mr. Celina Ras a huramenta como abogado diamars mainta, 18 di oktober 2022, dilanti miembronan di Corte Comun di Husticia hunto cu tres otro abogado nobo mas. mr. Celina Ras a gradua na Universidad di Aruba na mei 2022. Durante di e trayectoria di su tesis el a core stage na oficina di abogado Adsum Aruba. Eynan ela ripara eta gusta e profesion di ta abogado pa motibo cu eta uno hopi dinámico, tin hopi challenges y por desaroya como un persona ya cu cada caso y cliente ta diferente. Awo mr. Celina Ras lo ta trahando como advocaat-stagiaire na mesun oficina di abogado Adsum Aruba bou di guia di abogado mr. Eline Lotter Homan. E oficina aki ta encarga cu diferente areanan di ley, manera ley di responsabilidad y seguro, comercio y contract, laboral, penal, huur, administrativo y familiar. mr. Celina Ras tin un gran vocacion pa yuda hende y ta pensa cu e carera di abogacia ta esun ideal pasobra mayoria di e accionnan cu nos ta hiba diariamente ta relaciona cu ley y asina pa medio di consehonan huridico por yuda e companianan y personanan individual y preveni of resolve un conflicto.
Aruba heeft een nieuwe advocaat erbij: mr. Celina Ras
mr. Celina Ras werd afgelopen dinsdag, 18 oktober 2022, door het Gemeenschappelijk Hof van Justitie tot advocaat beëdigd, tezamen met nog drie andere nieuwe advocaten. mr. Celina Ras is afgestudeerd aan de Universiteit van Aruba op 20 mei 2022. Gedurende de periode dat zij haar scriptie schreef, liep zij tevens stage bij het Advocatenkantoor Adsum Aruba. Gedurende die stage merkte zij dat zij affiniteit heeft met het beroep van advocaat vanwege de dynamiek, de vele uitdagingen en het feit dat men zich sterk persoonlijk ontwikkeld. Immers, elke zaak en client is anders. Nu zal mr. Celina Ras als advocaat-stagiaire verbonden zijn aan Advocatenkantoor Adsum Aruba met als haar patroon mr. Eline Lotter Homan. Dit kantoor voert een algemene praktijk, met een focus op de rechtsgebieden aansprakelijkheids- en verzekeringsrecht, ondernemings- en contractenrecht, arbeidsrecht, algemeen civiel- en strafrecht, huurrecht, administratief recht en familierecht. mr. Celina Ras wenst graag mensen te helpen en is ervan overtuigd dat het beroep van advocaat hier zeer geschikt voor is. In het dagelijks leven hebben veel handelingen rechtsgevolgen en door middel van juridische adviezen hoopt zij zowel bedrijven als particulieren te helpen en geschillen te voorkomen of op te lossen.
