Oranjestad — Siman pasa, Aruba tabatin e honor di duna bonbini na Sr. Husain Al-Musallam, Presidente di World Aquatics, hunto cu su delegacion oficial, incluyendo nos propio Maureen Croes, Presidente di Panam Aquatics, pa un bishita di varios dia enfoca na fortalece e ecosistema di deporte acuatico. E bihista a marca un momento significativo pa e comunidad acuatico di Aruba, destacando oportunidadnan pa colaboracian, desaroyo i participacion internacional.
E delegacion a ricibi un bonbini oficial di Minister di Enseñansa i Deporte, Sra. Gerlien Croes, i representantenan di e Federacion Acuatico di Aruba. Durante e siman, varios actividad clave a tuma lugar, reuniendo atletanan, entrenadornan, Olimpiconan i oficialnan nacional.
Fortaleciendo Capacidad di Entrenador
E siman a cuminza cu dos sessionnan impactante pa desaroyo di entrenadornan, dirigi pa James Gibson, Asesor di Entrenamento di Swim i ex-campeon mundial. Durante e prome session, e entrenadornan a explora e pregunta esencial: "Kiko un atleta mester di su entrenador?"—un analisis profundo di filosofianan di entrenamento pa e atleta. E siguiente dia, e discusionnan a enfocá riba e crecimento i apoyo pa e entrenadornnan mes, destacando nan rol vital den e rendimento i desaroyo a largo plazo di e atletanan.
Ambos sessionnan tabata hopi interactivo i a ser ricibi cu entusiasmo pa e comunidad di entrenadornan local. E contanan convincenti, preguntanan perspicaz i experencianan relatable di James Gibson a ofrecé un perspectiva fresco riba excelencia den entrenamentu na Aruba.
Un Final Artístico Grandioso
Pa clausura e bishita, e delegacion a asisti na e demostracion semanal di Artistic Swimming na Divi All Inclusive, unda atletanan regularmente ta presenta pa gana experencia i promove e deporte na publico. E anochi a inclui un presentacion special di e dueto di Masters di Aruba, Devin de Veer i Nakaylee Didder, kenden lo representa e isla na e proximo Campeonato Mundial di Masters na Singapore.
E anochi tambe a mira e aparicion di Kyra Hoevertsz, medallista di bronce na Copa Mundial di Artistic Swimming pa dos bes, añadiendo prestigio i inspiracion na e evento. Tabata un muestra poderoso di e talento i creatividad di e isla, dejando un impresion duradero riba e delegacion di World Aquatics.
Mirando Pa Futuro
E Federacion Acuático di Aruba ta extendé su agradesimento sincer na Sr. Al-Musallam i su equipo pa nan tempo, insight i compromiso. Tambe un agradesimento special pa sponsor OT2 Agency i Alvin Croes pa nan apoyo di media durante e visita.
Pa mantené bo informá tocante iniciativanan futuro, eventonan i desaroyonan den e escena acuático di Aruba, visita nos website i registra pa nos newsletter: www.arubaaquatics.org.
Direccion: Savaneta 231-A, Savaneta, Aruba
E-mail: secretary@arubaaquatics.org
Website: http://arubaaquatics.org
