Aruba Bank a inaugura su mural conmemorativo di 100 aña na su sucursal di San Nicolas, un obra di arte vibrante titula “Aruba Bank 100 Years – Beacon of Hope.”
E inauguracion a cuminsa cu un “Mural Tour” den e cayanan di San Nicolas dirigi pa Tito Bolivar di ArtisA, un gran rikesa cultural y artistico.
E acto oficial a conta cu presencia di empleadonan di Aruba Bank, representantenan di ArtisA, ex-directorenan di Aruba Bank, miembronan di Hunta di Supervision y invitado special. Mr. Alfonso Boekhoudt, Gobernador di Aruba y esposa.
Representanenan di gerencia di Aruba Bank, Sr. Rob de Ridder y Sra.Sharon Fränkel-DeCuba a inaugura e mural y exhibicion historico despues di e ceremonia di e mural.
Rob de Ridder, Managing Director di Aruba Bank, a habri e evento, sigui pa palabra di Renwick Heronimo y un speech di Sr. Errol de Freitas, representante di San Nicolas Business Association, cu a expresa nan orguyo pa e desaroyo cultural y renobacion continuo di e ciudad.
E Maestro di Ceremonia, MC Tarrick, cu a duna un ambiente dinamico y yen di energia.
E mural ta un proyecto crea pa Armando Goedgedrag, Paul Wong, Tristan Faro, y coleganan talentoso, Vivienne Bruin y Roxanne Croes cu un gran apoyo di ArtisA.
Aruba Bank ta gradici e team creativo pa nan dedicacion, talento y pasion cu a duna bida na un obra cu ta simbolisa progreso, resiliencia y union pa Aruba.
Aruba Bank ta sumamente agradecido cu tur colaboradornan, especialmente Paul Wong, Tristan Faro, Vivienne & Kyrah Croes y Roxanne Croes, y un danki special na ArtisA pa nan contribucion excepcional.
