Aruba Bank tabata contento pa por a participa den La Cabana su “Benefit Fair” 2024. Den e evento anual aki, Aruba Bank a demonstra su amplio selecion di producto y servicio y a duna informacion durante un presentacion importante cu a enfoka riba e solucion financiero bancario pa tur empleado di La Cabana cu a bishita e “Benefit Fair”.
E presentacion a ser duna pa representantenan di Aruba Bank, Louisette Halley y Daniela Andrade, cu a duna informacion balioso manera servicio di banco personal, plan di spaar, y solucion di financia pa esnan presente. E presentacion tabata un exito entre tur esnan presente, cu a interactua cu e oradornan
pa haya sa poco mas di e productonan cu Aruba Bank ta ofrece pa por yudanan logra nan metanan financiero.
Na e booth Aruba Bank, empleadonan di La Cabana tabata tin e oportunidad pa interactua directamente cu e representantenan di banco, Ana Mary Tse Mora y Andreina Leest. Aki nan por contesta preguntanan riba e selecion di producto y servicio cu Aruba Bank tin pa ofrece, manera online banking, mobile app y mucho mas.
Nos ta satisfecho di por a participa na e La Cabana “Benefit Fair” e aña aki. E tabata un oportunidad tremendo pa por a conecta cu e comunidad di La Cabana, comparti nos solucionnan financiero bancario yeahy demostra con nos ta apoya e bienestar financiero di nos clientenan.
