Durante fin di siman, Aruba Bank a forma parti di Golden Age Expo 2024, un evento bon bishita y dedica na bienestar y estilo di bida pa adulto mayornan. Esaki a tuma lugar riba 6 di juli 2024 na Alhambra Ballroom for di 9:00 AM te 6:00 PM.
Como un patrocinador orguyoso di nos comunidad, Aruba Bank a participa activamente den e evento aki, dunando informacion y recurso balioso na tur esnan presente.
Golden Age Expo ta un oportunidad unico pa adulto mayornan y nan famianan por explora producto, servicionan, y beneficionan cu ta mehora nan estilo di bida. Representantenan di Aruba Bank tabata presente durante e expo, caminda nos ekipo a comparti hopi informacion tocante producto y servicionan pa adulto mayor y informacion valioso di Aruba Bank su servicionan di “digital banking”.
Aruba Bank ta satisfecho di por a sostene e Golden Age Expo y tabata tin e oportunidad pa ta interactivo directamente cu e comunidad di adulto mayornan.
Danki na tur hende cu a forma parti di e evento.
