Aruba Bank ta aporta n’e desaroyo di educacion digital na diferente scol riba e isla. Colegio Felipe B. Tromp a ricibi un donacion di Aruba Bank pa yuda establece un STEAM-Lab di ultimo tecnologia den e scol. E iniciativa aki ta alinea cu e compromiso di e banco p’asina stimula educacion y fomenta innovacion entre e hobennan na Aruba.
Colegio Felipe B. Tromp, un institucion innovativo cu mas di 300 studiante, a integra les digital den su curriculum. E iniciativa di e scol pa crea un klas STEAM lo yuda e studiantenan pa desaroya habilidad di siglo 21, incluyendo creatividad, pensamento critico, y soluciona problema a traves di experencia practico den e manera di studia.
E patrocinio di Aruba Bank a yuda pa cubri e materialnan esencial y e aparatonan necesario cu a permiti e construccion di e STEAM-Lab, cu lo duna oportunidad n’e studiantenan pa explora e temanan principal di STEAM y participa den proyecto colaborativo y creativo. E aliansa aki ta resalta e dedicacion di Aruba Bank pa duna sosten n’e proximo generacion via educacion digitalisa.
Aruba Bank ta contento di por tabata parti di un proyecto. Apoyando e STEAM-Lab, ta inverti den futuro di nos muchanan, sigurando cu nan tin e hermentnan y e oportunidadnan necesario pa prospera den un mundo digital.
