Aruba Bank ta sponsor uniform di Hooiberg Vets

0
60

ORANJESTAD – Durante fin di siman a tuma lugar bautismo di e uniform nobo di Hooiberg Vets patrocina pa Aruba Bank. Manera ta custumber Aruba Bank ta e banco local cu ta conocí pa sostene deporte na Aruba.

Hooiberg Vets ta un team di futbol di veterano 40+ y di veterano 50+ cu ta consisti di hungadornan di diferente parti di Aruba. Durante transcurso di añanan, Hooiberg Vets ta participando activamente den campeonatonan organiza anual door di Vedeveta.

E meta di Hooiberg Vets ta pa organiza encuentronan di futbol caminda su miembronan por promove teambuilding entre nan, traha riba e moveshon físico y pa por pasa un rato ameno tambe den ambiente familiar.

Hooiberg Vets ta activo anualmente den e programa di Aruba Doet tambe. Nan ta haci esaki door di haci diferente trabounan voluntario ariba nos isla.

Aruba Bank ta contento y orguyoso di por a contribui na un team di adultonan cu tin pashon pa e deporte di futbol. Pabien un biaha mas na e team completo cu nan uniform nobo y di awor caba nos kier desea nan tur clase di exito durante e campeonato den september venidero.

LEAVE A REPLY

Please enter your comment!
Please enter your name here