Diaranson atardi Aruba Bank y Tele Aruba a firma e acuerdo pa sponsor transmision di FIFA World Cup 2022. Aruba Bank un biaha mas lo ta un di e patrocinado principal di Tele Aruba durante e mundial.
Durante un encuentro special na Aruba Bank, Gerente di Mercadeo y Relacionnan Publico di Aruba Bank, Tamara Waldron, hunto cu Gerente di Tele Aruba, Giovanni Kock a firma e contract cu ta haci posibel pa henter Aruba y esnan cu ta ricibi e señal di nos planta nacional den region, por disfruta di Mundial 2022.
Segun Sra. Waldron, futbol ta un deporte cu ta promove disciplina, perseverancia y tambe e aspecto di coordina hunto den un team. Esaki ta netamente balornan cu futbol y Aruba Bank tin en comun y cu ta ingredientenan pa ta exitoso”. Aruba Bank tin un compromiso cu nos comunidad y parti di nos responsibilidad ta pa sostene deporte. Aruba Bank ta hopi contento di ta forma partnership cu Tele Aruba un bes mas na 2022.
Giovanni Kock, miembro di Gerencia di Tele Aruba a remarca: “Pa nos di Tele Aruba, sigur ta un placer di tin Aruba Bank como un partner den e proximo transmisión LIVE di FIFA World Cup 2022. Nos lo trece programanan informativo y hopi bon hinca den otro”, cu sigur lo ta na agrado di clientenan di Aruba Bank y e televidentenan di Tele Aruba”.
Aruba Bank, e banco di deporte, ta invita comunidad pa keda pendiente pa mas actividad rond di Mundial 2022, y pa sintonisa e apertura y prome wega cu lo ta diadomingo awor 20 di november entre Qatar y Ecuador pa 12’or di mainta.

LEAVE A REPLY

Please enter your comment!
Please enter your name here