International Aruba Regatta 2025 a conclui diadomingo 29 di juni despues di dos dia divertido di careda y dos ceremonia di premio, celebrando e participacion y resultado di ambos nabedadonan jong y adulto.
E trofeonan pa hoben y boto miniatura tabata presenta pa Tyson Lopez, CEO di Aruba Conservation Foundation, mientras cu trofeo pa otro clase tabata presenta pa patrick Melchiors di Aruba Tourism, y Rik van der Vaart di Aruba Regatta Foundation.
Regatta a habri riba 27 di juni y caredanan a sigui riba 28 di juni y 29 di juni. E di tres lustro pa loke ta 15 aña no tabata simplemente un otro Regatta, tabata tin un sentido di emocion extra den aire. Kisas e tabata pasobra e tempo tabata perfecto? Of kisas e tabata pasobra tabata tin asina hopi cara nobo hoben y adulto den e edicion aki? Kico cu e por ta, e tabata sigur un tremendo evento.
Aruba International Regatta tabata tin un rango diverso di clase di nabegacion, incluyendo varios otro nivel di abilidad y interes manera:
• SailQubes: Un otro clase dedica na nabegadonan hoben, e clase di Qubes ta ofrece un plataforma competitivo pa juniors por demostra nan abilidadnan di nabegacion
• Optimist: E clase aki ta specificamente diseña pa nabegadonan hoben, brindando nan un oportunidad pa por mustra nan abilidadnan di nabegacion y competi.
• F11 Beginners : E clase aki ta inclui botonan di careda F11, cu ta conoci pa nan velocidad y agilidad. Participantenan den e clase aki ta nabegadonan cu hopi abilidad den nabega awanan dificil cu hopi precision, esaki tabata un clase di Beginner den e nivel aki.
• F11 Advanced : Careda cu botonan di careda F11 pa nabegadonan mas experiencia cu abilidad halto. Esaki tabata pa esnan hopi mas avansa.
• Beachcats: E clase di Beachcats ta envolvi careda di catamaran chikito y cu menos peso. E botonan aki ta traha pa velocidad y diversion
• Sunfish: E clase di Sunfish ta popular pa loke ta ‘single-handed racing’ cual ta envolvi nabegacion den botonan chikito facil pa maneha y brindando tog un experiencia divertido
• Racing Yachts: E clase aki ta inclui careda den yate, mustrando tambe elegancia y poder di e vehiculonan aki. Participantenan den e clase aki ta competi cu nan yate pa demostra nan experiencia den nabegacion
• Boto miniatura: 35’’ 40’’ y 45’’, cual ta botonan chikito di herencia Rubiano riba awa den accion.
Aruba International Regatta ta sigui crece den calidad y diversion tur aña, anto e aña aki sigur no tabata un excepcion.
Nos a yama bon bini y host mas o menos 60 nabegado, incluyendo 2 participante nobo for di Corsou y 2 for di Boneiro. Un nabegado cu a regresa bek for di Merca a join nos tambe y bay cu e prome premio den su categoria.
E crecemento den e nabegadonan internacional ta un señal hopi clave cu Aruba International Regatta ta un evento di calidad halto cu lo sigui atraeo mas nabegadonan di exterior. Nos sigur ta anticipa di por host nan y nan amistadnan atrobe otro aña.
Un careda di yate desde Corsou cu 2 Beachcat no a logra yega startline na tempo. Otro aña, nos ta spera cu nan lo por logra esaki. E siguiente cantidad di boto per clase a logra yega e startline:
10 Capitan di boto miniatura, cada un cu maximo 3 boto
19 Nabegado hoben den Windsurf, Optimist, SailQube, y clase F11
12 Sunfishes
1 Beachcat cu un crew di 2
2 Racing Class Yachts c’un crew di 5.
E diosnan di naturalesa a percura pa tur cos bay bon durante Regatta. Nos tabata bendiciona di por tin e tempo perfecto pa nabega riba ambos dia, nos no por a pidi pa nada mas miho.
Nos tabata tin dos boto di rescate riba awa atrobe e aña aki, ambos cu Lifeguards certifica pa sigura cu por haci tur lo posibel pa por atende cu cualkier emergencia, hunto cu e team di EMS.
Trampolin pa Trabao a regla e menu y tambe a cumpli atrobe cu nan promesa. Nan tambe a provee snacks durante e opening y after-party riba diadomingo. E aña aki tur hende bao di e tent a keda invita pa participa den e lunch, compliment di Regatta mes, cu un bebida gratis.
E trofeonan a keda entrega pa Plastics Beach Party, nos ta gradici nan atrobe pa nan tremendo trabao. Nos Regatta-reggea band, THE ORIGINALZ, kende ta toca solamente nan propio composicion, a trece un tremendo ambiente na publico presente.
Aruba International Regatta ta pone un enfasis hopi fuerte den loke ta bida maritimo, nabegadonan hoben den region, y brindando conscientisacion riba e importancia di proteha, y sigur conserva nos lama y medio ambiente. Por medio di combina e diversion di nabegacion cu e enfoke riba administracion ambiental, International Aruba Regatta ta promove sostenibilidad y responsabilidad pa ora ta trata deportenan maritimo y recreacion. Pa jong y adulto, brinando un plataforma divertido y saludabel pa nan por interactua cu otro den naturalesa na un forma sostenibel.
Aruba International Regatta ta colabora hopi di cerca cu Stichting Rancho, kende ta traha incansabelmente pa conserva Aruba su cultura, particularmente herencia di Oranjestad. SYWA, Aruba su scol di nabegacion, tambe ta disfruta di sosten completo di Regatta, nan ta maneha e nabegacion di e gruponan hoben.
E evento aki ta trece henter comunidad di nabegacion hunto pa un fin di siman inolvidabel. Nos ta ya caba anticipa e di 16 edicion otro aña. Un danki grandi ta bay na tur cu a haci trabao boluntario y yuda den cualkier forma: Na Patrick, Loui, Annemiek, Joa, Sarah-Ange, Henry, Edwig, Evert, Clifford, Paco, Ronneke, Edwin, Henk, Bart, Myron, Junior, Robert-Jan y Marija.
Aruba International Regatta su crew, Anthony, Rona, y Rik, hopi danki pa haci e Regatta aki un otro evento exitoso. Un danki ta bay na tur sponsors y partners:
#ALBOARUBA #ArubaAirport #ArubaTourismAuthority
#ArubaPortsAuthority #StudioAdvisory #RomarTrading #BonBiniCargoServices
#IntegratedSecurityServices #TrampolinPaTrabou #VaraderoAruba #MarketingPlusNV
#TranquilloSailingCharters #DeepwaterMarineShop #BulaSurfShop
#RumbaTours #ScubaSafariAruba #OpisOpVoordeelshopAruba #SwiftDistributionAruba
#RoyalArubaAloe #Setar #ArubaWineandDine #JollyPiratesAruba #BudgetMarine #SonAruba #ArubaActiveVacations #HiltonAruba #T2Pansourdough #SatexAgednciesAruba #CostaLindaBeach Resort #PlayaLindaBeachResort #BucutiTaraBeachResortAruba #ArubaMarriott #myissaruba #scaffpro and #partyevents #Peanutcatering
RESULTADONAN DI REGATTA 2025
SailQubes (Youth)
1. Max Raven
2. Danna Pacheco
3. Salomé Broertjes
Optimist (Youth)
1. Finnigan Foht (USA)
2. Lucas Bonnevile
3. Fenna van der Holst (CUR)
F11 Beginners (Youth)
1. Lawrence Hernandez
2. Ashira Kurc
3. Kyron Kuiperi
F11 Advanced (Youth)
1. Zamir Kelly
2. Laura Bonnevale
3. Eliah Palacios
Miniatuurboat 30 inch
1. Jay El Travieso; capitan Chiara Rosa
2. Bo Gusta Bo Laga; capitan Rodney Kelly
3. Budda; capitan Jerwin Tromp
Miniatuurboat 35 inch
- “Hisa Buta”, Miniatuurboat 30 inch
- “Jay El Travieso” ,Capitan Chiara Rosa
- “Bo Gusta Bo Laga” ,Capitan Rodney Kelly
- “Budda” ,Capitan Jerwin Tromp
Miniatuurboat 40 inch
- “Respect The Fish” ,Capitan Ryan Lamper
- “Kaysia” ,Capitan Shierlenda Gomes
- “Sprinter” ,Capitan Kaylie Boezem
Racing Class Yachts
- Ragamuffin, Capitan Vivian Hankart
- AirPower, Capitan Less Long
Beachcat Class
- Joost Saris
Sunfish Class
- Zane Winterdal
- Richard van der Wal
- Aaron de CubaJerwin Tromp
- “Kaylie Ann” captained by Kaylie Boezen
- “Lilly” captained by Shierlenda Gomes
Miniatuurboat 40 inch
- “Respect The Fish” ,Capitan Ryan Lamper
- “Kaysia” ,Capitan Shierlenda Gomes
- “Sprinter” ,Capitan Kaylie Boezem
Racing Class Yachts
- Ragamuffin, Capitan Vivian Hankart
- AirPower, ,Capitan Less Long
Beachcat Class
- Joost Saris
Sunfish Class
- Zane Winterdal
- Richard van der Wal
- Aaron de Cuba
