13 di Juli 2025 – Santa Cruz, Aruba
Aruba Center Little League a logra un exito rotundo pa titula campion pa segundo aña consecutivo, despues di gana e Campeonato di Region Caribe cu un score di 9-7 contra Republica Dominicana na Curacao. Cu e victoria aki, e team ta bai representa Caribe den Little League Baseball® World Series 2025, presenta pa T-Mobile, cu lo tuma lugar na Williamsport, Pennsylvania.
Aruba Center LL a tuma parti den e torneo cu un record di 4-1, despues di perde un di nan partido di pool-play contra Pariba Little League. Nan a logra bini bek fuerte y a gana dos siguiente partido pa asegura nan pasashi pa e gran torneo internacional.
E ta di tercer biaha cu Aruba Center Little League ta bai participa den e mundial. Nan a participa anteriormente den 2011 y 2024. Den 2024, Aruba a termina cu un record di 2-2, despues di perde contra Latino America.
Segun e sorteo cu a tuma lugar dia 11 di juni durante National Little League Week, Aruba lo yega den accion dia 15 di augustus, 5 p.m., den Volunteer Stadium. Nan lo hunga contra e team cu ta gana di Game 3, entre Panama y Australia.
E Little League Baseball World Series 2025 lo cuminza oficialmente dia 13 di augustus y e final lo tuma lugar dia 24 di augustus. Informacion adicional tocante e evento, incluyendo horario y informacion pa bishitante, ta disponibel riba e website oficial di LLBWS.
Ta desea Aruba Center Little League hopi exito!
( via littleleqgue.org)
