Como pais colonisador bo mester asumi bo responsabilidad:
Recientemente a surgi un debate publico riba e hecho cu Parlamento di Aruba ta keda trece dilanti, loke Raymond Knops a bisa anteriormente 2020, esta cu e debe incuri durante pandemia, mas despues lo discuti cuanto lo wordo kwijtgescheld.
Pues, e reclamo cu pais Aruba ta haci, no ta uno cu a wordo inventa na Aruba, pero anteriormente a wordo ofreci dor di Knops. ( tin video pa proba!)
Hulanda como pais colonisador tin e deber di cuida di su islanan y den e caso aki ta importante pa kwijtscheld e debenan cu pais Aruba a acumula durante pandemia di Corona.
Hulanda y tur persona mester compronde c
la y rasp, cu Aruba a yega na un nivel total di debe cu simplemente no por wordo paga den forma real. E rumbo cu pais Aruba ta wordo forsa pa tuma paga e debe inpagabel aki ta den forma di belastingen y extra entrada enorme.
Loke oposicion a bisa: Cu bbo na frontera ta pa financia e luho di Gobierno simplemnte no ta berdad.
E bbo na frontera ta nada otro e consequencia di prestamonan grandi haci pa e propio Gobierno cu Sevinger a forma parti di dje.
Cu e entradanan extra cu haya, mester crea un surplus di 60 miyon, cu netamente mester bay pa paga debe di pais.
Loke mester ta cla pa tur hende ta cu sin un kwijtschelding di debe, cua gobierno cu bin na mando lo tin un tarea imposibel. Esaki no ta sin consequencia pa pais Aruba of Hulanda riba termino largo.
Den pasado por a lesa den programa di partido AVP, unda nan ta splica: Si bo subi e debe di pais, bo ta causa pobresa. Esaki tabata nan slogan na 2005 y 2009, acusando e tempo gobierno di MEP di a crea debe. Ora cu AVP a yega Gobierno nan a triplifica e debe di 2009 y pone den nivelnan inpagabel.
Tin algun hende ta opina cu Aruba mes por paga su debe. Claro cu Aruba por paga su debe, pero na ki prijs? y pa cuanto aña?
Pesey mes, si Hulanda no kier oprimi e pueblo, anto nan tambe mester cumpli cu nan palabra: Kwijtschelding di debe di pandemia por completo, lo ta un alivio grandi pa pueblo. Afterall, si Hulanda ta manda placa pa Ucrania, si Hulanda a yuda Portugal Italia y Spaña cu placa pa pandemia cu miyones y miyones, kico ta stroba nan pa yuda e islanan cu nan mes colonisa?
