Cronistanan a yama e Caquetionan hende bunita, tanto e muhernan como e hombernan.
Tin cronista ta hasta afirma cu nan tabata gigantesco. Y na tera firme, historiador, arkeologo y sociologonan ta elogia e Caquetionan cu tur sort’i adhetivo y sustantivo elocuente den nan articulo y documentarionan. Un colonisador Hulandes di siglo 19, cu awendia ta conoci como hende seco y cauteloso, ta uza palabranan despectivo ora skirbi di Guajironan, specificamente ora di describi nan fisico y nan apariencia. Dominee Bosch ta skirbi cu no tin comparacion entre Caquetionan Arubiano (indjan cohoro) y e Guajironan (indjan brabo).
Di e Guajironan e ta skirbi literalmente“ze vallen terstond in het oog, door het onaangename voorkomen, en langzamer lichaamsbewegingen dan de Indianen, welke op Aruba thuis behooren.” (hende su wowo ta cay riba nan di biaha door di nan aspecto desagradabel y nan forma lerdo di move mas pocopoco cu e indjannan nativo di Aruba).
Galeotto Cei (1513-1579), comerciante florentino exiliado na Spaña, ta skirbi cu admiracion den su Viaggio e relazione delle Indie, tocante e Caquetionan cu el a topa na tera firme “en ninguna parte de las Indias he visto más bellas mujeres”, como esas del valle de Barquisimeto, “por eso lo nombrábamos el Valle de las Damas”. “Son estos indios caquetíos bellos hombres, más que las mujeres.” Y Juan de Castellanos (1522- 1606) ta skirbi di e Caquetionan di Corsou y Aruba den su Elegías de varones ilustres de indias:
“Las gentes que las tienen por asiento
“Son mucho más que otras elegantes,
“Y tanto que por otro nombramiento
“Las llamaban las islas de gigantes,
“Por ser en general de su cosecha
“Gentes de grandes miembros y bien hecha.
“No tienen para que formar querellas
“De natura por malas proporciones:
“Son las mujeres en extremo bellas,
“Gentiles hombres todos los varones;
“Por consiguiente son ellos; y ellas
“De nobles, y apreciables condiciones;
“Tienen para la guerra gentil brio,
“Y su lenguaje es el Caquetío.
Y toch na Aruba solamente Banco Central a duna nos e honor di pone un statua di un Caquetio.
Kico por a pasa cu nos identidad indigena na caminda? A yega ora pa gobierno pone un standbeeld visible sea na Spaans Lagoen, Sta Cruz, Savaneta, Noord y/of Pos Chiquito.
Tcmhc
Movemento Indigena Arubano
