E lidernan den mercadeo turistico, Nights Publications & Island Guide TV a anuncia oficialmente e fusion di nan empresanan di comunicacion. Pa e ocasion aki, Nights Publications y Island Guide TV a lanza nan website nobo www.mycuracaoguide.com cu ta inclui un plataforma nobo pa haci reservacion pa tours y atraccion. Door di integra nan servicionan, cliente y agencianan di publicacion y tambe e turista ta beneficia di e acceso, tanto offline como online.
E empresa nobo ta combina e miho di mundo turistico y di mercadeo. Nights, Island Gourmet y Aruba Wedding & Honeymoon Magazines tin mas di 35 aña di experencia conectando turista y agencianan di publicacion cu media skirbi, tanto na Aruba como na Corsou. Ya pa e ultimo 7 añanan caba, Island Guide TV ta brinda e mesun comunidadnan aki nan distincto canal de television den cambernan di hotel y riba App mobil.
Douglass Markus, fundador y redactor di Nights Publications cu Stephanie Schelling, fundador y propietario di Island Guide TV, a uni forsa, completamente reforsando y integrando nan marca, producto, servicio y creatividadnan combina. Cu mey miyon di revista y mas di 10.000 camber di hotel cu Island Guide TV ta transmiti, awor e ta converti den e empresa di publicacion y marketing totalmente integra mas grandi di e islanan Aruba y Corsou.
