GOBIERNO NOBO ARUBA
E ocho ministernan di e Gabinete nobo Wever-Croes II riba dialuna 20 di september 2021 a huramenta of haci promesa den presencia di Gobernador Interino di Aruba, Su Excelencia Yvonne Laclé-Dirksz. E obligacion di e ministernan pa huramenta of haci promesa prome cu aceptacion di nan puesto, ta stipula den articulo II.8 di e Constitucion di Aruba.
E gabinete Arubiano nobo ta un coalicion di MEP y RAIZ y ta conta ocho minister: seis di MEP y dos di RAIZ. E ceremonia a tuma luga na Cas Ceremonial di Gobernador.
