Diabierna mainta e caso di casacion a tuma lugar na Hulanda, unda Aruba y Curacao a bay cassatie contra e decision di corte di beroep na Curacao. E caso di apertura di matrimonio pa personanan di mesun sexo na Aruba y Curaçao no ta trata di derechonan humano, sino di e hecho cu e hues a sinta den e stoel di politica, abogado di Aruba a bisa awe mainta (hora di Aruba) den Corte Supremo di Den Haag.
Aki Aruba y Curacao, a haci suplica relaciona cu e apelacion presenta pa Curaçao y Aruba contra e apertura di matrimonio di personanan di mesun sexo. Segun e leynan vigente den ambos pais, solamente un homber y un muhe por casa. Pero e corte di Willemstad a dicidi riba 6 di december 2022, cu e exclusion di matrimonio pa personanan di mesun sexo ta contra prohibicion di discriminacion y reglanan estatal. Tanto Curaçao como Aruba a apela e desicion di corte. E caso di apertura di matrimonio a ser presenta na Aruba pa e organisacion Fundacion Orguyo Aruba y na Curaçao pa Human Rights Caribbean Foundation.
Segun abogado Jan-Paul Heering, den nomber di Aruba, e Corte Comun di Husticia a sinta eroneamente den e asiento di politica cu su sentencia di 6 di december. “E stul aki ta resulta di no ta cumpli cu ley, pasobra e regla di ley pa matrimonio habri ta hopi mas complica y amplio cu loke e corte ta propone”.
Tambe segun abogado Chester Peterson, den nomber di Curaçao, e apertura di matrimonio ta “socialmente hopi controversial”manera den hopi otro pais. Tres cuart (3/4) di e poblashon di Curacao ta catolico y tin un mentalidad conservador, segun e abogado. “Algun ajustamento den e Caribe insular ta mas lento cu een Europa liberal y no mester forsa nan.”
Abogado Mirto Murray, kende a papia den nomber di e organisacionnan envolvi, a duna den su alegacion varios motibo pa cual, den su opinion, e critica cu e hues a sinta den e stoel di politica no ta sostenibel. El a pidi Corte Supremo pa elimina inigualdad den Reino Hulandes y ofrece personanan di mesun sexo tambe na e islanan e oportunidat pa “sella nan amor cu matrimonio”.
Den palabranan final, eos muher di Aruba a haci un yamada cu yen emocion na Corte Supremo pa sigura cu nan por “casa pa amor”. E Fiscal General kier asesora e conseho riba 19 di januari. Den e siguiente periodo, e Corte Supremo lo a disidi, den loke e presidente a yama un “caso hopi complica”.
