28 di mei 2024
Aruba y Hulanda ta cera acuerdo gubernamental tocante finansa di gobiernosostenibel
Aruba y Hulanda ta bai cera un acuerdo gubernamental cu palabracionnan tocante finansa di gobierno sostenibel na Aruba. E acuerdo ta un prome paso importante pa bolbe cuminsa traha hunto riba un Ley di Reino. Den e acuerdo, e paisnan hunto ta cumbini cu lo bini un Ley di Reino, den locual entre otro lo inclui normananpresupuestario y supervicion financiero. Dor di cera e acuerdo, Aruba ta bai paga un interes mas abou pa e fiansanan relaciona cu Covid. E interes cu Aruba ta spar asina, por gasta riba invercion den e propio pais.
Interes riba fiansa ta baha
Hulanda y Aruba ya tin un tempo ta discuti tocante yega na acuerdo pa supervicion financiero. Cu finansa di gobierno sostenibel cu mas espacio pa invercion como meta. Esaki ta di gran importancia pa un gobierno cu ta funciona bon, y pa desaroyo economico duradero. E acuerdo gubernamental ta sigui un acuerdo cu a cera dia 10 di october 2023 pa refinanciamento di e fiansa relaciona ku Covid. Hulanda a provee e fiansa aki na Aruba pa enfrenta e consecuensianan di e pandemia di corona. Den e acuerdo, e fiansa tin un duracion di 20 aña, contra un interes di 6,9%. Despues cu tur dos pais a firma e acuerdo gubernamental, lo baha e interes pa 5,1%. Ta posibel pa baha e interes, pasobra cu un Ley di Reino Hulanda ta haña mas seguridad tocante e capasidad financiero di Aruba.
Norma presupuestario y maneho financiero
Aruba a bai di acuerdo cu lo bin un Ley di Reino. Den esaki lo inclui entre otro e definicionnan di e normanan presupuestario, normanan pa maneho financiero, y diseño y funcion di e supervicion financiero. Den e ley tambe ta regla e echo cu Aruba por haci uso di e registro actual bou di locual Hulanda ta inscribi pa fiansa. Di e manera aki, lo habri un posibilidaddi financiamento bentahoso pa Aruba. E College Aruba financieel toezicht (CAft; Colegio di supervicion financiero Aruba) ta sigui duna conseho na tanto Aruba como e Conseho di Minister di Reino den cuadro di e supervicion financiero. Pa fiha e normanan presupuestario nobo, Aruba y Hulanda ta somete un peticion di investigacion conhunto na IMF.
Ademas, Aruba ta inclui stipulacion adicional den e propio regulacion nacional. Un ehempel di esaki ta e cuantificacion di e normanan presupuestario y e posibilidad pa e mes diseñaun Camber di Presupuesto como consehero di Staten y di gobierno. Cambio of determinacion di e regulacion nacional solamente ta posibel cu permit di Conseho di Minister di Reino.
Mas bahada di interes ora e Ley di Reino drenta na vigor
Ademas a palabra cu si no realisa e Ley di Reino y e regulacion nacional en cuestion sigun planificacion, lo bolbe subi e interes riba e fiansa relaciona cu Covid pa 6,9%. Mester a entrega e proposicion pa e Ley di Reino pa mas tarda dia prome di mei 2025 serka Tweede Kamer pa tratamento. Tambe a palabra cu Hulanda, despues cu e Ley di Reinodrenta na vigor, lo baha e interes riba refinanciamento di e fiansa relaciona cu Covid mas ainda. Tambe, Hulanda ta declara di ta dispuesto pa, despues cu e Ley di Reino drenta na vigor, refinancia un parti di e fiansanan di Aruba for di exterior cu ta expirando contra e interes cu Hulanda ta paga, cu un recargo limita riba esei.
Tambe Aruba ta sigui traha riba ehecucion di e reformanan den cuadro di e Pakete Nacional. Lo anula e consepto di e proposicion pa e RAft (Rijkswet Aruba financieel toezicht, Ley di Reino Aruba supervicion financiero).
