Riba Singel den centro di Amsterdam a haya un persona benta abou tur na sanger y e persona no tabata dunando señal di bida. Segun Polis ta trata di un crimen.

Den careda di 3’or y mey marduga, team di rescate a wordo avisa cu tin un persona tur na sanger benta den portiek di un cas riba Singel, na altura di e comienso di e gracht, e persona lo tabata tur na sanger.

Na yegada a trata na reanima e persona, pero lamentabelmente e la fayece na e heridanan serio cu e la ricibi. Mirando e heridanan cu e homber a ricibi, polis a bin compronde cu ta trata di un crimen.

Mesora a cera un parti di Singel y asina e recherchenan di departamento forensico a cuminsa cu un investigacion, den e gracht tabata tin algun divers aparentemente nan lo tabata buscando un of otro arma cu lo por a wordo usa den e asesinato aki.

For di e prome investigacionnan por a deduci cu e victima den careda di 2 or 15 di marduga ainda lo tabata na bida y tabata den becindario di Korte Nieuwedijk/ Spuistraat/Singel y Amsterdam Centraal Station. Mas sigur e homber a wordo asesina entre 2’or y 15 cu 3’or y mey di marduga.

Segun polis, e persona cu a asesina e homber, lo a keda tur na sanger di su victima. E caso ta bou investigacion y polis te na e momentonan aki no a duna mucho informacion.

LEAVE A REPLY

Please enter your comment!
Please enter your name here