Hoben Richi tira den cabes na Brasil a fayece

Relaciona cu e caso di tiramento dialuna anochi na Brazil, unda un hoben di 20 aña naci na Augustus 2000 a haya un bala den cabes, e informacion a drenta cu el’a fayece na hospital.

Na un cas na Brazil, un auto a pasa y e agresor a los algun tiro, pa despues bandona e sitio. E auto ta color preto segun por compronde.

E prome unidad cu a acudi na e sitio a topa cu un scenario hopi fastioso. Un hoben benta abou den veranda cu tiro den cabes y no tabata reaccionando.

A solicita ambulance unda dos unidad a acudi basta lihe y a opta pa bay cu e hoben hospital debi cu a logra haya un poco pulso.

Familiarnan a wordo yama pa acudi urgentemente na hospital, unda mester a informa nan di e noticia lamentabel.

Na hospital pa 11:50 di anochi, dokter a constata morto di Richi G T naci Aug 2000.

Kico te motibo tras di e asesinato aki, no ta conoci. Un investigacion mester esclarece ken a comete esaki y dicon.

LEAVE A REPLY

Please enter your comment!
Please enter your name here