Ateliers ’89 ta cla pa habri porta di su salanan mayor diadomingo 23 di augustus pa 7:00 pm, presentando e exposicion grandi di zomer titula “FOR SALE”. E evento cultural aki tin como meta principal pa brinda tanto artistanan di cas como artistanan invita e plataforma pa exhibi nan creacionnan y ofrece nan obranan directamente na benta na e publico amante di arte. E iniciativa ta conta cu sosten y patrocinio di Fondo Cultural Region Caribense y CEDE Aruba pa medio di su programa LET’S ACT, e cual ta enfoca riba crea espacio y sostene maestronan y artistanan local cu ta contribui na educacion y desaroyo di diferente disciplina artistico riba nos isla.
E exposicion lo presenta un seleccion varia di arte contemporaneo cu obranan di reconocidonan den e mundo di arte local:
- Artistanan invita y maestronan: Glenda Heyliger cu dibuho, instalacion y obranan tres dimensional; Maestro King Lie Kwie cu su pinturanan unico; Enrita Werleman, artista y maestra destaca den e tecnica di mosaic picassiette; y Juffrouw Miriam De L’Isle cu su mundo magico di pintura.
- Exposicion “HARDIN BOTANICO”: Presenta pa e artista y maestra Romelinda Maldonado hunto cu e hobennan talento di su programa di arte pa mucha THE BEEHIVE: Fae Werleman, Sophia Luidens, Zoë Jennylee Kelly, Alexa Sepulveda, Darsheleen Wever, Frangely Kock, Celine Tromp, Kyomi Stamper, Hila Toppenberg y Kaylee Wever.
- Grupo Monarca (Adulto Mayor): Desaroya cu sosten di e programa LET’S ACT di CEDE Aruba, integrando obranan di Beatrix Ridderstap, Silvia Flemming, Rosita Rasmijn, Reina Ruiz, Ina Thiel, Swinda Koolman, Everona Ras, Irene Ras, Evia Roga, Imelda Kelly, Richard Geerman, Epifania v/d Linde, Jorga Kransen, Gladys de Kort, Urbano Figaroa, Maria Lelia Hernandez, Thelma Paskel, Kenrick Boezem, Elita de Cuba, Nichi Arends, Francisca Winterdal, Vilma Engelhardt y Lucia Winterdal.
- Grupo Mainta Creativo 60+: Presentando e creacionnan di Agnes Wilson, Jenny Diaz, Raquel Leon, Gabriëlle Vis, Emiliana Tromp, Sica Simileer, Jenny Ras, Maria Tromp, Enrica Kock-Kelly, Gemma Simileer, Anna Rosa Tromp y Dynia Abath-Muller.
- Club di Artista: Obranan unico crea durante e workshop lidera pa e artista, maestro, curador y director di Ateliers ’89, Elvis Lopez, conhuntamente cu e artistanan Dinant Esschendal, Suzanne van Spall, Noemi Ruiz y Nuris Lampe.
E anochi lo combina un diversidad amplio di tecnica y expresion visual cu un ambiente musical anima pa DJ Tech. Ateliers ’89 ta extende un cordial invitacion na henter e comunidad pa asisti, aprecia e talento local y sostene e artistanan adkiriendo nan obranan.
