Tanki Leendert – Diahuebs anochi un otro atraco a tuma luga. Esaki tawata ariba un cas di famia situa na Tanki Leendert. E famia a wordo sorprendi pa tres homber, tur tres tawata tin tapaboca bisti. Tapaboca ta un exigencia debi na e Pandemia, pero tambe tin su retonan debi cu bo no sa ken ta tras di e cara tapa haciendo trabou di polis nada facil. Di parti cuerpo policia nos a ricibi informacion oficial di e sucedido. “Diahuebs anochi pa mas o menos 9:09 central di polis ta wordo informa di un atraco cu a tuma lugar na un cas na Tanki Leendert. Na yegada di patruya por a compronde cu un rato prome tres hende homber cu tapabocas y un di nan ta tin un arma di candela. Nan no a papia nada. Nan lo a ranca un cadena di e señora su carganta. Pero esnan na e cas a bringa cu e atracadornan. E atracadornan a huy den un auto color preto y a bay den direcion noord. Atraco team a presenta na e sitio y tambe departamento di slachtofferhulp. Ken cu a wak algo of sa algo jama tiplijn di polis cu ta 11141”.
