Jucuri – Diahuebs anochi algo prome cu 10’or autoridad a wordo poni na altura di un atraco arma ariba un cas na Jucuri.Mesora dos unidad policial di Playa a bay e direccion. Na yegada polisnan a wordo bisa cu e atraco no a tuma luga e momento ey, pero algun rato mas prome.Ta trata a di dos hende homber cara tapa y arma. Informacion adicional ta cu segun esnan na e cas spaño a wordo papia cu nan. For di Cuerpo Policial nos a ricibi e siguiente informacion: ” Diahuebs anochi pa 9: 50 central ta wordo notifica di un atraco arma a tuma lugar na un cas na Jucuri. Na yegado di patruya por a compronde cu dos hende homber cara tapa tur dos cu arma di candela a drenta e cas y a atraca un señora. Tur dos atracado ta papia spaño. Un di e atracador tabata tin carson shinishi scur bisti y keds shinishi cu preto color , di cuero bruin y estatura di mas o menos 1.75 meter. E atracadornan lo mester a bay cu placa ( mas o menos afl 3000,-) y joyas. No por bisa si nan lo a huy na pia of a haci uso di auto pa cu esaki. Atraco team a presenta na e sitio pa cuminsa e investigacion . Polis technico y tambe slachtofferhulp a presenta. Cuerpo policial ta haci un apelacion pa es cu a wak algo of sa algo jama e tiplijn di polis cu ta 11141″.
