Diamars atardi den careda di 4’or polis y ambulance a bay crusada di Sero Pita, pa un accidente mas di trafico cu hende herida.
Polis a yega y a topa cu un Hyundai Accent v-car y un MG color blauw. Den e MG tawata tin dos mucha y un adulto.
Nos a papia breve cu un testigo, y e la bisa nos cu e Hyundai Accent a pasa dilanti su cas y bay e crusada. Despues di un rato e ta scucha un zonido duro. Sali wak, v-car a accidenta.
Segun chauffeur di e MG e la trata di evita e dalmento pero tawata envano.
Reaccion rapido di parti di e chauffeur di e MG a pone cu e impacto tawata “menos fuerte”. Debi cu lo a trata na evita e choke.
Di e otro banda, e pareha turista cu no conoce e caminda kizas no a pone atencion ariba e borchinan di trafico y ta haya nan den un boksmento.
Nos no sa kiko por ta e problema, cu ta tardando asina hopi pa haci algo cu e crusada ey, prome cu un accidente fatal tuma luga.
