Na final di 2024, e gobiernonan di Peru y Colombia a anuncia un aumento den e salarionan mnimo pa 2025, loke a wordo ricibi como un bon noticia pa millones di ciudadano. Sinembargo, a pesar di e aumento aki, ambos pais ta sigui tin e salarionan minimo mas abao di Sur America, loke a genera critica di parti di diferente organisacion.
Gustavo Minaya, secretario adhunto di CGTP di Peru, a señala cu e Remuneracion Minima Vital (RMV) lo mester yega na 1.330 soles, debi n’e impacto di e inflacion y n’e costo di bida den e pais.
Salario minimo na 2025
Na Colombia, e salario minimo a establece na 1.423.500 peso, un aumento di 9,54% compara cu e aña anterior. Na Peru, RMV a subi di S/ 1.024 pa S/ 1.130, despues di mas di dos aña sin ajuste. A pesar di e aumento, e salarionan ta sigui ta esunnan di mas abao di e region. Siguientemente, un lista cu e salarionan minimo di algun pais Sur Americano den dollar:
- Uruguay: USD 570
- Chile: USD 521
- Ecuador: USD 460
- Paraguay: USD 367
- Bolivia: USD 342
- Colombia: USD 321,51
- Perú: USD 301,69
- Guyana: USD 284,93
- Brasil: USD 291
- Argentina: USD 152
- Venezuela: USD 3,61
Speransa di bida na Peru pa 2050
Segun e Instituto di Metrica y Evaluacion di Salud (IHME) di e Universidad di Washington, Peru lo posiciona entre e tres paisnan di Sur America cu e mayor speransa di bida pa 2050, alcansando 82,47 aña. E aumento aki ta debi n’e avancenan den salud, crecemento economico y e acceso na servicio basico. Peru ta ocupa e di tres luga, tras di Colombia y Chile.
Miho pais pa torah na Sur America
E Indice Mundial di Ekilibrio entre Bida Personal y Laboral 2024, publica pa Remote, ta señala cu Argentina ta ocupa posicion 19 den e ranking global, siendo e miho pais pa traha na Sur America. E ranking aki ta considera e cobertura di salud, vakantie y e calidad di bida, destacando Buenos Aires como e miho ciudad pa biba na Latino America pa di tres aña consecutivo.
