Informe for di Curacao ta bisa cu tin un aumento barbaro di virus. Mas peor te hecho cu mas y mas hende ta acudiendo na hospital, siendo cu hospital ta man yen. Fuente na altura a informa SOLO cu hospital a manda yama y pidi tur enfermero pa acudi na hospital ( riba nan dia liber) pa asina cuminza yuda cu brinda ayudo. Tambe nos a haya informacion cu ta preparando tent pafor di hospital pa asina por sigui coordina e cuido medico. Pa 11.30 di mainta lo tin un conferencia di prensa di Gobierno riba e tematica aki.
