Diaranson atardi a drenta informe di un accidente cu hende herida na Sero Blanco, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffuer di e HYundai Accent bayendo nort diripiente a bay dal un U-turn pero no a ripara e motociclista y esaki a desvia baha caminda y a dal abao. Na yegada di e ambulans nan a atende e motociclista y a transporte den ambulans pa hospital.
