Diamars algo pasa di 6’or polis a bay altura di Cas di Gobernador situa ariba L.G.Smith Boulevard, pa un auto cu a dal contra un palo di luz.
Polis a yega y a topa cu un Kia Rio color blanco; pega contra un palo di luz.
Na e sitio nos a compronde cu e vehiculo pa un of otro motibo a perde control y bay dal contra un palo di luz pazuid di caminda.
Ambulance a presenta pa duna asistencia medico na e chauffeur y na final a transporte pa Hospitaal.
Trafico bayendo pariba a wordo desvia, mirando cu e auto tawata ariba caminda y no por a move. Takelwagen a wordo avisa.
