Auto a pasa ariba palo di luz benta ariba Green Corridor, kibrando un wiel por completo

0
133

Green Corridor – Diamars anochi polis di trafico a bay parida di rotonde di Sero Tijshi unda cu un auto lo a ranca un palo di luz.

Na yegada di polis e vehiculo cu a causa e daño na palo di luz mes a sigui bay, pues e no a keda warda polis.

Pa mala suerte un Chevrolet suv posiblemente no a pone atencion cu tin palo di luz y mas cos gespart ariba caminda ta pasa ariba esakinan, causando daño grandi na e auto.

Por a nota cu e wiel dilanti banda drechi a kibra for di e auto, causando cu e auto no por a sigui core mas y bay para mas pariba na banda.

Polis di trafico na e sitio a pidi pa e compania cu ta handle cu e luznan di Green Corridor pa presenta y asina yuda kita loke a keda gespart ariba caminda.

Trafico por a continua ariba e banda di drechi di caminda, mientras tawata haci limpi y warda takelwagen yega pa bay cu e vehiculo kibra.

LEAVE A REPLY

Please enter your comment!
Please enter your name here