Diamars merdia rond di 3’or trafico bayendo pa rotonde di Bushiri a pega formalmente, momento cu un auto a accidenta.
Rond di 3’or polis mester a bay algo mas pabou di e rotonde Ponton pa Bushiri. Eynan un auto a perde control dal contra e muraya banda di zuid y sigui lastra bay mas pabou.
Den e impacto e chauffeur a dal su cara, causando cu posiblemente e lo a kibra su nanishi cu tawata keda sangra.
Polis y ambulance a pasa basta dolor di cabes pa yega unda e auto a kibra. Cu ayudo di algun persona a logra pusha e auto un tiki pa trafico por a pasa trankil.
Paramediconan mester a atende cu e chauffeur.
