Federacion di Futbol Arubano (AVB) a lansa un invitacion oficial pa e loting di e Play-Off Semi-Final y Final den Division Honor Liga-ORO, locual lo tuma luga na Piropo Sports Bar.
E luga ta situa dilanti Centro di Bario Tanki Leendert, net subiendo e trapi pega cu e entrada di Wendy’s. AVB ta pidi cada ekipo invita pa presenta cu un dirigente y e capitan di ekipo, pa un maximo di dos persona pa organisacion.
Alabes, ta pidi cada ekipo y prensa invita pa ta presente pa mas tarda 6:15 PM, mirando cu lo inicia e sorteo pa 6:30 PM en punto.
