Dialuna mainta a habri, y caso Avestruz ta sigui su curso.
Un comerciante Hotelero, E.B., a yega Landsrecherche acompaña pa su abogado.
Por tin dos scenario, sea e ta clave como testigo of e ta sospechoso di a paga pa ricibi fabor relaciona cu tereno.
Caso Avestruz ta expone corupcionnan grave cu tereno di pueblo, ora un grupo cerca di Minister a usa nan poder pa faborece y enrikece nan hendenan.
Ya tabatin 8 detencion y varios mas pa bay, cu cantidad grandi di testigo.
Dos siman pasa OM a bisa cu tin algun detencion mas pa cay, pa cual e detencionnan lo cay ora investigacion avansa.
Leoncita Arends ta keto bay cera na Kia, hunto cu Pietje Sussebeek, Franklin Abath y Freddy Every.
Nan a traha hunto, pa asina fix tereno, cu despues a wordo bendi.
Pietje Sussebeek aparentemente a haya tereno unda tabata desposito di DOW, pa djey bende pa suma substancial.
E pregunta cu autoridad ta haci ta entre otro: Ta net e mihor amigo di Benny ta haya tereno prominente? Y e mes no ta construi, pero bende ?
E investigacion mester clarifica e rol di cada persona den e caso aki.
