Diabierna atardi un avion di American Airlines cu a sali for di Queen Beatrix International Airport a causa gran preocupacion entre testigo y pasahero na ora di subida, cu dos sonido hopi fuerte BOOM, BOOM. Despues di esaki, e avion a stop su subida y a bolbe inmediato pa baha bek na aeropuerto.
Segun informacion general di aviacion, un situacion asina ta indica cu algo no normal a pasa durante of despues di subida, pero esaki no kiermen cu e avion tabata na peligro di caida. Alcontrario, e reaccion rapido di e pilotonan ta mustra cu procedimentonan di seguridad a tuma lugar paso a paso
Kico por a causa dos “bang” fuerte?
Expertonan di aviacion ta bisa cu tin varios motibo comun cu por causa sonido fuerte ora un avion ta subi:
1. Problema di motor (compressor stall)
Esaki ta un di e motibonan mas comun. Ora aire den motor di jet no ta fluha manera mester, por resulta den un explosion chikito interno cu ta produci un sonido fuerte. A veces por tin luz of vlam ( candela) visible. E pilotonan ta getrain pa reconoce esaki di inmediato y bolbe aeropuerto.
2. Golpi di paraha (bird strike)
Si parha por drenta den motor, un impacto asina aki por causa un “bang” fuerte y aunke e motor sigi funcciona, e avion ta bolbe pa inspeccion obligatorio.
3 Otro problema mecanico
Menos frecuente, pero un componente of tite por faya durante subida y produci un sonido fuerte.
Pakiko bolbe inmediato?
Avionnan comercial, manera un Boeing 737, ta diseña pa bula cu un solo motor sin peliger. Pero regla di seguridad ta bisa cu cualkier problema durante subida ta causa regresk inmediato, pa proteha pasajeronan y tripulacion.
Conclusion
E avion tabata bal control tur momento. E dos sonidoann no significa cu e avion tabata di bai cay. E decision di bolbe tabata correcto y profesional Pasajeronan tabata sigur.
Situacionnan asina ta raro, pero nan ta mustra cu e sistema di seguridad di aviacion ta funcciona manera mester ta. Seguridad semper ta bin prome.
