E sentencia di partido AVP ta haciendo e partido hopi dolor y hopi daño. Por tuma nota cu tur e Avp-nan ciego, no kier accepta y diripiente kier hunga wega di palabra pa asina purba scapa nan dolor di e caso di Paul Croes.

Toko Winklaar ta prome di nan cu a laga sa: Cu Paul ta primo di Evelyn. Caramba, tur tempo Toko no tabata sa? Awor cu Hof a declare culpabel, awor kier schuif e culpa di AVP, bente riba Evelyn?

Esaki ta mustra cu Avepsitanan ta mal perdedor y nan no ta dispuesto pa siña di nan error.

Asina por lesa y scucha con nan ta yora. Otro ta sapatia, otro ta grita, y otro no kier accepta. Paul Croes ta primo di Evelyn! Sigur cu si. Pero su actonan el’a comete bao supervision di Mike Eman.

Paul a acudi na e Universidad di Corupcion di AVP y aki el’a siña e mala maya di e partido berde.

Lo mas tristo pa Paul ta, cu tur otro politico a wordo brasa y duna support. Te hasta Benny nan a bay buske cu parada for di KIA. Nelson Andrade nan a bay bati weya pafor di warda di polis na Shaba, pa pidi su libertdad.

Pero na corte, ora Paul Croes ta ricibi su condena di 3 aña? Unda Mike a keda?

Loke mester remarca ta cu e caso contra Paul no a cuminza dor di Evelyn, pero dor di Nicole Hoeverts y Maruska Croes kende tabata secretaria di Paull Croes. Nan a acudi na landsrecherche pa denuncia Paul.

Ta spera cu AVP lo por refleccion y cuminza na accepta cu nan partido ta hopi corupto y di integridad nan no tin nada nada.

LEAVE A REPLY

Please enter your comment!
Please enter your name here