Que sinberguensa!
Den e ultimo dianan por a scucha tanto AVP como nan speakernan, Patsy cu Nelsy, ta lansa critica riba e presupuesto 2023 y e cambionan fiscal.
Pa di promer lugar, tur nan ponencianan ta fofo y sin base. Nan ta basa nan mes riba scenarionan bieuw cu entre tanto ya a wordo cambia y update.
Loke AVP y su aliadonan kier bisa pueblo ta: Nan no kier paga debe!
Loke AVP y su aliadonan no ta ta compronde ta: Si no paga debe, e gasto di interes ta sigui perhudica pais Aruba! E no ta laga ningun espacio pa por sigui inverti den pais Aruba.
Pues, ta incomprendibel cu AVP ta pensa riba sigui crea mas debe y si ta pa AVP lo nunca nos lo reduci e debe y reduci e gasto di interes, pa asina por laga Aruba mihor para pa e generacion nobo cu lo take over.
E reforme fiscal, e PLAN 2023 ta perfectamente bon hinca den otro. BBO ta subi cu 1%, pero ta duna bek 20 miyon florin na compensacion. Pues realmente e no ta subi cu 1%.
Tin asina tanto beneficio adicional cu e ta trece cune, por ehempel pa parehanan casa, awor ta separa nan entrada y no ta conte hunto mas. Nan lo cay den un bracket mucho mas abao y lo spaar di paga belasting como 600 florin.
Pa 2023, Aruba mester yega un surplus y ta projecta un surplus di 60 miyon florin. Pa promer ves den historia di Aruba cu un gobierno lo presenta un cuenta unda a corta tur sorto di gasto, pa asina por yega na e resultado aki. Parcialmente ta danki tambe na nos turismo cu ta robusto y ta draai den high speed.
E ponencia di AVP, cu nan no kier drecha Aruba, cu nan kier sigui crea debe ta un pensamento totalmente robes!
