E sentencia final di corte di casacion ta poni pa wordo anuncia awe 14 di april 2026. Si no tin ningun cambio, pa awe, na cualke momento Benny lo mester haya e sentencia. Ta trata di e caso di corupcion y ladronicia di mas grandi na Aruba, ora cu a negocia benta di tereno pa cobra schat di placa.
Na Curacao a haya 2.4 miyon florin na Orco Bank. Benny a wordo sentencia pa paga bek 900 mil florin. Un cantidad di tereno a bay pa Leoncita y Susebeek y nan tabata bende tereno na granel pa miyones. Un abuso enorme cu poder politico y confiansa cu pueblo a duna e politico.
Esaki ta un les pa tur politico: No busca pa yega na poder, lastrando otro, difamando otro, of riba nomber di hende drechi. Si bo yega poder den maldad, bo lo caba den maldad. Ken ta lubida e cancion di Leoncita: Busje Komt Zo? Awe e busje lo yega.
