Awe, Mike de Mesa ta sinti e mesun dolor cu e mes a causa, hopi aña pasa, na un hende cu a confia den dje: señor Benny Nisbet (†). E mesun tristo sentimiento di traicion, di decilucion, di dolor, ta bati e mes porta cu na 2008 el’a pa causa na otro.
Pueblo no por lubida con e “ultimo cena” politico entre Benny y De Meza.
Mike a sinta na cas y na mesa di Benny, a come hunto, a papia di futuro, di union, y confianza. Pero un par ora despues, tur cos a cambia: Den ora di mainta Mike de Mesa a sali oficialmente cu AVP, traicionando e confiansa y e apoyo cu Benny a duna na dje. Ta un hecho cu Benny Nisbet nunca a supera completamente e traicion aki. E ta un traicion cu a kibra e relacion, y a lanta hopi duda riba sinceridad den politica.
Awe, Mike de Mesa ta sinti su propio “ultimo cena”. Despues di tanto lucha pa AVP y speranza, e no a ricibi e yamada pa bira minister. E no ta bira minister den gabinete di AVP Futuro. E dolor ta di berde mes, e decilucion ta grandi.
Awor nos por ripiti cu claridad: Mike de Mesa ta sinti exactemente loke Benny Nisbet a sinti. E mesun cuchiu cu el’a hinca, a bolbe bek pa hinca su mes.
Esaki ta un les di bida: loke bo sembra, bo ta cosecha. Karma no ta perde adres, i na su tempo, e ta trece e berdad dilanti. Esaki no ta un deseo malo, sino un refleho husto di un acto di pasado.
Mike de Mesa, awe bo ta sinti loke Benny Nisbet a sinti den 2008/2009. Loke bo a hasi cu otro, a bolbe pa bo mes. Hopi hende lo mira esaki como un acto di husticia moral. Cu e dolor cu bo ta pasa awe, hopi hende ta spera cu bo lo arepenti e caminda cu bo a tuma i compronde cu lealtad no tin prijs.
Na fin di dia, e bida ta drecha tur cos. Y cada traicion ta laga su marca, den historia, den pueblo, y den consenshi.
