E numbernan ganado pa e sorteo di Mini Mega pa diamars anochi tabata: 15-19-25-27 y e Mega Ball: 03 y manera e resultado a wordo procesa a bin haya sa cu tin 1 solo ticket ganado pa e sorteo di Mini Mega, pero sin e jackpot di Mega Plus. No ta algo usual cu e jackpot di Mega Plus ta keda aden ora nan gan’e, pero e por pasa y esey ta nifica cu Aruba ta experiencia un comienso di jackpot nobo pa Mini Mega pero combina cu e Mega Plus cu a keda aden, ta bira un jackpot grandi y den e caso aki miyonario.
E jackpot di Mini Mega pa sorteo di diamars 12 di mei tabata na Afl. 525.000,- y ta costa 5 florin pa ticket y cu 2 florin mas por a gana e jackpot di Mega Plus cu tabata na Afl. 1.100.000,-.
Segundo premio a conoce un total di 2 ganado cu tabata tin e 4 numbernan bon, pero sin e Mega Ball. Ticketnan ganado a wordo bendi na Ritmo Lottery y Fontein Lottery. Cada un ganado a gana e suma di Afl. 12.453,-.
E feliz ganado a gana e jackpot total di Mini Mega di 525 mil florin cu a wordo bendi na rebendedo Lucky Cher-Ann 3.
Si tin un ganado awe nochi, e lo bira e tercer miyonario pa aña 2026! E prome miyonario di 2026 tabata na februari cu a gana e suma di Afl. 1.750.000,- y e ticket ganado a wordo bendi na Lucky Cher-Ann 2. E segundo miyonario a gana solamente e jackpot di Mini Mega cu e bunita suma di Afl. 1.300.000,- y e ticket ganado a wordo bendi na RS Lottery.
Awe diabierna 15 di mei 2026, Mini Mega su jackpot ta na 250 mil florin y cu 2 florin mas, bo por gana e jackpot di 1 miyon 175 mil florin extra cu ta pone e suma bira un total di 1 miyon 425 mil florin! Bo no tin bo cuenta di Lotto Online ainda? Bay riba play.lottoaruba.com y registra pa asina bo por cumpra bo Lotto Online.
Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana y Instacash. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
