Romanonan 3:23 ta para scirbi: Pasobra tur a peca y ta falta e gloria di Dios.
1 Juan 1:9 ta para scirbi: Si nos confesa nos pica nan E ta fiel y husto di pordona nos , nos picanan y y pa limpia nos di tur inhusticia.
Isaias 43:18-19 ta para scirbi: No recorda e cosnan di antes,ni keda pensa riba e cosnan cu a pasa caba. Mira mi ta bay haci algo nobo, awor aki e ta bay sali na cla, boso no ta ripara esey? Lo Mi traha un caretera den seco, ruinan den desierto.
Mateo 6:14-15 ta para scirbi: Pasobra si boso pordona hende nan trangreshonnan, boso Tata celestial tambe lo pordona boso. Ma si boso no pordona hende, boso Tata tampoco lo no pordona boso transgreshonnan.
Romanonan 8:1 ta para scirbi: Pesey awor no tin condenacion pa esnan cu ta den Cristo Hesus.
Ningun hende por cuminsa algo nobo riba un fundeshi bieu, pa nos bay dilanti nos mester stop di wak atras, si bo ta sali for di un relacion bieu, y bo ta drenta un relacion nobo, cu e pensamento, cu bo ta bay hanja e mesun trato den bo relacion nobo, anto esey ta nifica cu bo no ta cla pa drenta nada nobo.
Ora nos no ta pordona y no ta lubida, nos tin un porta habri pa diabel sigi yena nos cabes , cu nada no a cambia, y asina e ta logra manipula bo mente, y bo ta keda den scuridad.
Mientras tanto bo no pordona , bo no por experiencia e husticia di Dios, pasobra bo kier ehecuta bo propio husticia, pasobra bo kier pa e cos bay manera bo kier, y bo no kier laga Dios interveni.
Mientras cu bo ta carga rabia den bo curason, lo bo no tin pas, pasobra rabia di hende no ta produci e husticia di Dios.( Santiago 1:20).
Bo no por stuur pa bay dilanti, cu un auto den reverse, bo no por cana bay dilanti, cu bo cara bira patras, ningun hende no por manipula Dios, Dios no ta laga ningun hende haci bofon di dj’E, tur locual hende sembra , hende lo cosecha.
Dios ta pordona pica y e ta libra nos di pica, pa asina pica no tin dominio mas riba nos .( Romanonan 6:14).
Pordon ta trece pas, pa esun cu ta y kier pordona di su curason,
Pordon ta trece claridad den nos bida,
Pordon ta trece amor bek den nos bida,
Pordon ta trece carinjo bek den nos bida,
Pordon ta aparta nos for di maldad,
Pordon ta saca nos for di scuridad,
Pordon ta restuara nos salud fisico y mental.
Hende cu no kier pordona di curason, lo keda biba den pasado y den Mateo 18:35, Dios ta demostra na nos con peligroso e asunto ey ta.
No tin nada cu ta imposibel pa Dios, tur cos ta posibel pa esun cu ta kere, tur hende tin derechi, riba un oportunidad, nobo den nan bida, pero tur cos ta depende con abo kier cuminsa di nobo.
Tin muraya cu mester basha bao, tin amistad cu mester aparta for di dje, tin custumbernan cu nos mester bandona, y tin cabuya di maldad, cu hende mester los di dje, pa nan tin pas cu Dios, pas cu hende, y pas cu nan mes.
Laga tur amargura, furia,rabia,griteria y calumnia wordo kita for di boso,huntu cu tur malisia. Y sea carinjoso cu otro, misericordioso, pordonando otro, mescos cu Dios den Cristo tambe a pordona boso.( Efesionan 4:31-32).
Sinceramente, Pastor Marcel Balootje
