Den un reuda di prensa teni diamars atardi, Minister Rocco Tjon a informa, cu riba e conseho di CAFT pa stop FASE, Gobierno di Aruba a yega na e desicion pa termina cu e ayudo aki. FASE tabata un ayudo temporario pa yuda pueblo pasa dor di e tempo di crisis di corona. Segun por constata, cifranan ta mustra recuperacion y como tal CAFT a pidi pa termina e ayudo aki.
Esaki lo no bay sin un otro plan di ayudo, cu Minister Glenbert Croes lo bay anuncia dentro di poco. Pa loke ta FASE, dia 10 di NOVEMBER ta ultimo dia, cu cada persona cu ainda ta desea di solicita FASE pa fin di November/December lo por haci nan peticion.
FASE a brinda ayudo na gran cantidad di persona den temponan dificil y awor ta yega na su final. E ultimo peticion cu por wordo haci ta dia 10 di November 2021.
