E balor di Euro a baha, cual ta den nos ventaha pa cumpra Euro bao di 2 florin. Pa masha hopi aña Balor di Euro tabata riba 2 florin, pero den e aña aki a conoce un caida drastico. E ultimo indicador di cambio ta mustra cu por cumpra 1 Euro pa 1.90 florin. E tabata mas abao rond di 12 di mei 2022.
Pa un turista Europeo, e ta net lo contrario: antes nan tabata haya mas florin pa nan Euro, y antes tabata cumbini nan bini vakantie Curacao of Aruba. Curacao ta mucho mas dependiente di turismo Europeo.
Euro ta na punto pa baha di balor, igual na dollar. Algo cu nos tin 20 aña sin mira. E ultimo bes cu e tabata igual ta na 2002.
E cambio di awe, banco ta cumpra Euro pa 1.85/1.86 y ta bende na 1.90
Esaki ta super intresante tambe pa comercio cu Hulanda, pasobra aki nos ta papia di un reduccion di costo pa cumpra producto. Tur tiki ta yuda.
Si tabata paga pa producto 10.000 Euro, antes ela costa na florin x2.20 cual ta 22.000. Awe e ta 19.000 florin. Na e cambio so tin un ventadha di 3000 florin.
Pues, si bo tabata evaluando un vakantie di algun dia, por constata tambe prijsnan di baca flaco cu aeroliñanan cu ta bula pa Hulanda y cu e cambio na nos fabor, ta e momento cu Hulanda/Europa tin su ventaha.
Motibo cu Euro a baha di valor y ta casi yegando mes nivel cu dollar ta pa motibo di guera di Russia y Ucrania y e incertidumbre di supplies di energia.
