Ta ken por a pensa cu mundo henter lo drenta den un calor cu ningun hende no tin control riba dje?
Hopi ta papia di cambio climatico, cual ta e palabra cientifico, of palabra natural pa e situacion aki, pero Bijbel ta papia cla di señalnan di ultimo tempo y den e buki di 2 Pedro 3: 10-12 ta duna un splicacion kico lo bay pasa riba e mundo aki.
Awor bo ta puntra bo mes si tin algo cu por wordo haci pa Dios por tene misericordia?
Pasobra ningun pais na mundo ta prepara pa locual ta sosode.Ningun pais tin control riba e calor aki.
Pero den 2 Cronicanan 7:14 Señor ta cuminsa splica for di versiculo 13 con nos tin di reacciona den tempo di calamidad bisando:
Si mi pueblo cu ta wordo yama na Mi nomber,humiya nan mes y haci oracion,y busca Mi cara,y bira for di nan mal camindanan, e ora ey lo Mi tende for di cielo , y lo pordona nan pica y cura nan tera.
Nos ta busca Dios pa medio di Humildad, Ayuno, Oracion,Lesamento di Palabra di Dios,Arepenti,Obedencia y Perserverancia.
Pasobra wowo di Señor ta move bay bin door di henter tera, pa E por sostene esnan cu nan curason ta completamente di dj’E.( 2 Cronicanan 16:9).
Hende ta buscando tur cos, fama, poder, placa,herencia,y tur locual ta material pa asina por demostra nan poder temporal, pero hopi ta lubida cu locual ta di Dios ta eterno.
Hende ta traiciona, y mata pa placa, hende ta destrui otro pa poder, hende ta bende otro pa motibo di placa.
Den hopi cos tin corupcion, pasobra den hopi cos e enemigo a hinca su scuridad, ta pesey hende mester busca Dios, pa conseho y solucion den tur cos.
Busca Señor mientras cu E por wordo haña,yam’E mientras cu E ta serca.
Laga e malbado bandona su caminda,y e hende inhusto su pensamento,y lage bolbe serca Señor, y E lo tin compasion cune,y serca nos Dios, pasobra e lo pordona abundantemente.( Isaias 55:6-7),
Ta nos tur mester busca Señor di henter nos curason, hogarnan mester bolbe bek na oracion, barionan mester tin anochi di oracion, pa asina arepentimento tuma lugar y hendenan bolbe masalmente ma e caminda di Dios.
Pasobra tin hopi caminda ta parce bon, ta parce bunita , pero e final ta caminda di destruccion.
Palabra di Dios ta bisa lo siguiente:Si bo kier a busca Dios,y roga pa compasion serca e Todopoderoso, si bo ta puro y recto,siguramente awor E lo a lanta pa bo y lo a restora bo estado husto.
Maske bo principio tabata insignificante,toch bo ultimo dianan lo aumenta grandemente.( Job 8:5-7).
Lampi di e curpa ta e wowo, asina cu si bo wowo ta bon,henter bo curpa lo ta yen di lus. Ma si bo wowo ta malo, henter bo curpa lo ta yen di scuridad. Asina anto si e lus cu ta den bo ta scuridad, ki grandi e scuridad ey ta.( Mateo 6:22-24).
No ta nada desconoci pa nos tur con hende ta desea di apoya inmoralidad, scuridad y abominacion. hende ta tuma malo haci bon, djis pa mantene fama y amistad, hende a perde temor di Dios.
Pica ta wordo legalisa pa orguyo y arogancia por mantene hende den scuridad.
Hala serca Dios, y E lo hala serca boso,limpia boso mannan boso pecardornan y purifica boso curason boso di curason dobbel. ( Santiago 4:8).
Hende bobo ta haci bofon di pica, ma e fabor di Dios ta biba mey mey di e rectonan.
Ban busca cara di Dios.
Sinceramente, Pastor Marcel Balootje
