Pasobra sin fe ta imposibel pa agrada Dios, Fe ta Poderoso, Fe ta move man di Dios.
Duda ta enemigo di tur hende, pasobra e ta stroba hende di ricibi nan bendicion pa asina nan por duna Dios tur e Gloria.
Nos ta bibando den tempo trabahoso, caminda hende ta kere mas den cos nan temporal, of ta kere den hende, y no ta kere den Dios, hende ta pensa cu kere den Dios ta tarda muchu, caba nan ta lubida cu Dios su tempo ta perfecto.
Hende ta haci cos con cu ta , djis pa bisa cu nan a haci, pero ta lubida cu cosnan di Dios ta cosnan nechi, di gran balor y cosnan cu ta Dios so por haci.
No laga nos lubida cu pa Dios nada ta imposibel ( Lucas 1:37). Tur locual Dios ta pidi di nos ta obediencia y pasenshi y nos lo mira Su grandesa.
Senjor kier pa nos perservera den tur locual cu nos tin cu haci, si perservera den oracion, constantemente, y no practica flohera, tene fe y Dios mes lo haci e resto.
Marco 11-22-24 Hesus a contesta nan,” Tene fe den Dios. Di berdad Mi ta bisa boso,ken cu bisa e seru aki, sea kita for di eynan y tira den laman, y no duda den su curason,ma kere cu loke e ta bisa ta bay sosode,esey lo wordo haci pe. Pesey Mi ta bisa boso, tur loke boso pidi, ora boso ta haci oracion, kere cu boso ta ricibi e, y e lo bira di boso.
Si nos ta pidi y nos mes no ta kere, ta nifica cu nos tin duda den esun cu ta duna, y ora cu nos tin duda den Dios, esey ta nifica cu nos no tin Fe ni confiansa den e man di Todopoderoso., y esey ta nifica cu nos tin cu arepenti y bati na porta di Dios cu Fe, y asina nos lo mira Su man move na nos fabor.
Nos Fe no mester wordo basa riba sabiduria di hende,sino riba e poder di Dios( 1 Corintionan 2;5). Pasobra tur hende sa cu pa Dios nada ta imposibel,
Si Cristo Hesus, por a cambia awa den binja,
Lanta Lazaro for di morto.
Pone hende lam cana,
Habri wowo di ciego,
Pone hende muda papia, cura enfermo,
Saca demonjo,cambia bida di hende pa medio di Su salbacion.
Anto ta bira dificil pa nos por duda den Su poder.
Corda bon cu locual E a haci pa otronan e por haci pa bo tambe.
Na Dios tur e Gloria pa fabor ricibi,Dios nunca ta lubida riba su yiunan, Dios ta fiel, y E ta exigi di nos fieldad y firmesa, e ta exigi di nos, pa nos kere den Su poder y asina nos por mira Su Gloria.
Ta boluntad di Dios, pa nos aparta for di tur locual ta mentira y cosnan dudoso,y busca husticia,santidad,Fe , amor, perserverancia, y mansedumbre.( 1 Timoteo 6:12).
Pasobra tur loke ta naci di Dios ta vence mundo, Y esaki ta e victoria, y cu a vence mundo, nos Fe. Y ken ta esun cu ta vence mundo, si e no ta esun cu ta kere cu Hesus ta e Yiu di Dios.( 1Juan 5:4).
Ken cu kere, cu Hesus ta e Cristo, ta naci di Dios,y ken cu ta stima e Tata,ta stima e Yiu naci di dj’E.
Pa medio di esaki nos sa cu nos ta yiu di Dios, ora nos stima Dios y cumpli cu su mandamentonan.
Para firme y kere den Dios.
Sinceramente , Pastor Marcel Balootje
