Banco Central di Aruba (BCA) a dicidi durante e reunion di e Comite di Maneho Monetario riba 26 di augustus 2026 pa mantene e tasa di reserva obligatorio pa banconan comercial na 12,5% entrante 1 di september 2026.
Puntonan principal:
- Reservanan adecuaĀ
Te cu 24 di juli 2026, reservanan di divisa a surpasa substancialmente e normanan cu BCA ta monitoria. Ademas, BCA ta anticipa cu e reservanan di divisa lo keda adecua durante 2026.
- Inflacion creciente
Ambos indicador di inflacion midi na final di luna contra e mesun luna di e aƱa anterior y e promedio anual di inflacion a registra nivelnan di 2,4% y 0,5% respectivamente na juni 2026.
- Incertidumbre mundial economico
E incertidumbre mundial, incluyendo e tensionnan geopolitico persistente, por impacta e reservanan di divisa y inflacion, cu por causa desviacionnan for di e proyeccionnan cu ta fungi como punto di salida (ābaselineā).
BCA ta monitoria indicadornan monetario y economico di cerca y lo ahusta su posicion di maneho monetario ora ta necesario pa mantene e tasa fiho di e florin na e dollar Mericano.
Pa mas informacion por comunica cu nos via email na: communications@cbaruba.org.
