Banco Central di Aruba (BCA) ta informa cu e moneda conmemorativo di plata di 5 Florin “40 aña Status Aparte y 50 aña Himno y Bandera” ta obtenibel desde 17 di maart 2026 na BCA

Desde 1 januari 1986, Aruba ta un pais autonomo den Reino Hulandes. E Status Aparte lo cumpli 40 aña den 2026: cuatro decada den cual Aruba a fortalece su identidad y a mustra perseverancia y vision. Na mes momento, Aruba ta celebra 50 aña di existencia di su bandera y himno nacional (Aruba Dushi Tera): e simbolonan nacional aki ta un parti inseparabel di e pasado, presente y futuro di e pais.

Specificacion:   

Metal:     Plata (925/1000)   

Diameter:     38 mm                                        

Peso: 25 gram                                                                                                   Calidad:Proof                                                                                                                                                                         

Denominacion:       5 Florin 

Prijs:     Afl.250,00

Pa mas informacion por tuma contacto cu Departamento Cash Operations & Logistics di BCA na telefon 525-2139. 

Pa compra: Caha di BCA na J.E. Irausquin Boulevard 8, mainta entre 8:30 y 11:45 y merdia entre 1:15 y 3:30.