Recientemente, Banco di Caribe a instala un ATM nobo na San Nicolas. E ATM cu sistema di ‘touch screen’ ta uno moderno y facil pa uza.
E pensamento pa re-ubica e ATM di San Nicolas pa Bernhardstraat den edificio di BENU Pharmacy ta pa facilita acceso pa tur hende cu ta haci uzo di servicio di ATM y cu ta biba na of frecuenta e area di San Nicolas. Por haci uzo di e ATM pa lanta placa, pidi saldo di cuenta, transferi placa y cambia ‘PIN’.
Pa duna atencion special na e ocasion aki, Diabierna ultimo, director di Banco di Caribe, sr. Giovanni Croes, a bishita e ATM pa su apertura oficial.
Pa mas informacion of un lista completo di tur ATM di Banco di Caribe y nan ubicacion por bishita nan website, www.bancodicaribe.com .
