Ex minister Benny Sevinger ta bisa awe, hungando pa loco, cu e no sa cu el’a duna su intimo amigo Sussebeek asina hopi tereno. Segun Benny e no ta mira nomber, e no ta lesa papel, pero just firma. Pues, Benny kier tira tur culpa riba Sussebeek. Piet Sussebeek na su turno a bisa huez, cu e lo no contesta ningun pregunta. Huez a haci Sussebeek mas di 10 pregunta, pero el’a keda para riba “no ta no”, e no kier contesta huez. El’a bisa si cu el’a contesta landsrecherche 3000 pregunta y esey pe ta suficiente. El’a bisa cu por lo demas, su abogado lo atende cu huez. Pues, mientras Benny a benta culpa riba Sussebeek, Sussebeek a dicidi di no contesta huez. Generalmente tur hende por constata un wega di hende loco. Di berdad Benny ta kere cu huez ta kere cu e no tabata sa? Den caso di Roberto Rincon, el’a bisa cu e ta lesa tur papel. Awor e no ta lesa papel, pero firma si.
