E caso Avestrus ta cla pa cuminza. Corte ta cla, fiscal ta cla y e responsabelnan lo mester presenta dilanti mesa berde pa rindi cuenta na husticia.
E caso di Benny ta draai rond di e hecho cu el’a duna su amigonan tereno na gran escala y e amigonan tabata bende esaki na prijsnan miyonario.
Un cantidad di amigo a probecha e laso politico di Benny y di otro banda nan tabata faborce Benny cu placa of material.
Fiscal tin un lista di 1 miyon florin cu Benny no por duna cuenta di dje. Placanan cu Benny tin sea na cash of den material, cu ta imposibel cu e por a cumpra cu su salario.
Un cantidad di comerciante lo wordo cita pa presenta dilanti mesa berde, como tambe henter e oficina di Benny, esta tur esnan cu a copera cu e mafia aki.
Ta logico cu awor Partido AVP kier kita atencion di e caso aki y pesey nan a purba na tur sorto di forma pa baha gobierno.
Cada ken cu haci acto coruptivo mester rindi cuenta na husticia. Sinembargo lo mas peor di e caso aki ta cu Mike Eman a BRASA corpucion manera peluche.
Esey ta algo cu no no por haci. El’a pone Benny riba lista, y grita pidiendo hende pa vota pa Benny.
Un hende mentalmente drechi, hamas lo haci algo asina. Eddie Croes a taha nan, pa laga Benny bay limpia su nomber, djey bolbe bek. Sinembargo aki por mira cu Mike Eman mes ta gusta corupcion y a brasa esaki duro duro.
Esaki ta haci Mike Eman MAS cuetionabel cu Benny, pasobra como lider politico bo a manda un signal bon cla: Bo no ta give a damn cu corupcion.
