Na salida di Benny for di KIA, su prome declaracion no tabata uno alentador ni cu speransa. Segun e politico a bisa, cu “e caminda pa proef bo libertad, ta bay ta largo y duro”. “Nos tin cu bringa duro pa sali for di esaki”. “Eno ta bay ta un proceso facil”.
E declaracion aki no ta manera e delcaracionnan di prome cu el’a wordo deteni, unda e tabata alega cu no tin absolutamente nada y cu e ta inocente.
Awor pues e palabranan a cambia, cu e caminda ta largo y duro.
Kico esaki ta implica?
Esaki ta implica cu loke Benny a wordo confronta cune durante interogacion, tabata pruebanan basta pisa den su contra, cual entodo caso no ta nada facil pa sali for di dje.
Benny mes a bisa na salida: “E no ta bay ta un proceso facil”. Na esnan cu por interpreta esaki y compronde loke Benny kier bisa, por conclui cu no por papia mes cu fiscal lo seponeer e caso. Kemen un acusacion lo bini sigur y e caso aki lo yega corte unda eynan Benny tin oportunidad pa defende su mes, di tur loke tin contra dje.
Lo tabata otro si Benny a sali bisa cu el’a wordo cera inhustamente y cu no tin nada contra dje y cu nan no a haya nada. Sinembargo esey no te caso!
Tambe Benny a bisa cu e no por conta tur cos, e lo mester check cu su abogado, pero na su debido momento e lo bay conta tur loke a sosode cune, desde cu el’a wordo encarcela.
Keto bay e ta tilda MEP pa e asunto aki, y ta yama esaki un persecucion politico, indicando cu nan kier cera Benny y caba cu Benny y sake for di politica.
E conlcucion cu SOLO por saca dor di e prome minuutnan di declaracion, ta mustra cu Benny a sali mas precupa di loke el’a drenta, relaciona cu e investigacion.
Di otro banda por mira cu el’a sali cu un spirito halto, cu animo y el’a bisa cu e carta a bay pa gobernador pa hurament’e manyan mes. Ta keda na Gobernador awor pa pone un fecha pa haci tal.
“E no ta bay ta un proceso facil”…. “E caminda ta largo y duro”……”Nos tin cu bay bringa pa sali for di esaki”, ta palabranan cu cla y rapsa, pa cual Benny ta bisa tur cos. Cu tin cosnan, tin cosnan! Cu Benny no kier divulga ainda, no ta nada, pasobra dia e caso yega corte, tur informacion lo bira publico y cada ken lo por lesa den detayes ta kico a pasa den e caso aki y con el’a pasa.
