Diaranson mainta e caso grandi di corupcion di tereno a cuminza. E caso ta hiba e nomber Avestrus. Ex minister Benny Sevinger hunto cu dos comerciante local ta e prome caso cu a wordo trata. Ta acusanan di soborno y labamento di placa. Ta trata aki di donacionnan grandi cu a bay pa Fundacion Curazon Berde, cual ta e fundacion di campaña di Benny. Kico te caso? Placanan grandi tabata wordo entrega na e fundacion dor precisamente esnan cu tabata haya hopi tereno di Benny. Pues, Benny ta otroga tereno na su amigo Sussebeek, y Sussebeek ta haya e tereno, bira bende esaki pa miyones di dollars, djey ta usa e placa di corupcion pa labe den fundacion di Benny, pa asina Benny cumpra t-shirts, palo di banera, verf autonan y jeep color berde y paga trailer di muziek, etc.etc. E caso a wordo trata liher, pasobra e acusadonan, entre otro Sussebeek a nenga di contesta pregunta dor di huez.
