Santo Patia – E politico cu mas bo a scucha den e eleccion ultimo ta Benny Sevinger. Un politico cera na KIA pa un cantidad grandi di acusacionnan y un monton di prueba contra dje.

Acusacionnan manera corupcion, haci mal uso di su poder(como ministro) y ta pertenece na un organizacion criminal ta algun di nan.

Sevinger no solamente a crea un controversia den e eleccion ultimo, como cu estando cera asina mes e tawata ariba e lista di AVP, unda e la haya number 29. E partido a campaña por bisa un parti pa e politico cera pa corupcion.

Un otro polemica cu Sevinger a crea ta tambe den su mesun partido, unda cu e number 7 cu ta Robert Candelaria lo mester keda pafo di Parlamento. Candelaria cu a campaña fuertemente lo tin di mira tur su sodo y energia hinca den e campaña bay perdi.

Informacion cu nos a ricibi cu ta mustra cu no tin ningun paso atras.
Benny Sevinger su set di bachi a yega KIA, pues mas duidelijk esaki no por ta pa Sr. Candelaria cu lo tin di bay haci algo otro manera cos ta pintando.

Pa juli 8 Aruba mester tin su parlamento cu lo ta bou loop di Reina Hulandes y sin papia mes di Mundo.
Unda cu un candidato si ta bon lo yega den transportwagen di KIA pa asisti na su huramentacion.

Esaki Ministerio Publico a informa diabierna ultimo cu nan lo duna nan cooperacion pa cu esaki.

Pues algo inunsual y no ta sinta nada bon den pueblo y pa pais Aruba, cu lo tin di bay biba cu esaki internationalmente.

Di e otro banda aunke ta duna “cooperacion” pa Sevinger bay huramenta, Ministerio Publico ta bisa tambe cu Benny ta keda encarcela.
Con e lo presenta of asisti na cualkier reunion despues di dia 8 di juli no ta conoci.

Diabierna ultimo Sevinger ta keda bou interogacionnan di Landsrecherche den KIA mes.

Diasabra den oranan di mainta famia di Sevinger a trece su set di bachi y demas acersorionan cu e lo bay bisti pa dia di su huramentacion.

Pues e bala awor ta den mesun tereno di e partido berde, unda cu lo mester move un persona manera Sr.Robert Candelaria cu ta un persona trankilo y cu no a comete ningun infraccion pa hinka Sr.Sevinger cu tin un monton di acusacionnan y prueba den su contra y ariba dje ta cera na KIA.

LEAVE A REPLY

Please enter your comment!
Please enter your name here