Awe mainta tabatin un parti emocional durante tratamento di caso Avestruz ora cu a trata e parti di circumstancianan personal.
Solo di Pueblo por a compronde cu Benny Sevinger na dado momento a yora pa mustra con caso Avestruz a afecta su famia.
PERSECUSION POLITICO
Benny Sevinger a bisa Hues cu henter e caso aki ta un persecusion politico caminda a bin cu acusacionnan falso contra su persona.
AWA NA WOWO
Loke a pone Benny Sevinger su wowonan yena cu awa y hasta a cuminsa yora, ta momento cu el a splica con su situacion familiar a keda afecta. El a bisa Hues cu door di persecusion politico y e caso Avestruz, su yiu muher no por a haya trabao na Aruba y a bay establece na Hulanda cu su yiu. Por a mira claramente cu esaki a afecta Benny Sevinger masha hopi y el a cuminsa yora. Por a mira cu tanto Hues como Fiscalnan tambe a keda impresiona pa mira Benny Sevinger yora y expresa su mes.
Ta asina cu Abath tambe tabata emocional ora cu el a splica con e caso a afecta su famia cu ta hopi sera cu otro. Tambe el a bisa cu tempo e tabata sera den KIA el a sinti hopi duele con hubentud ta sera den KIA pasobra e tambe tin yiu.
